Mërgim Berisha do të ndërrojë ambient në merkaton e verës. Sulmuesi shqiptar ka përfunduar në shitje nga Fenerbahçe, ku nuk u përshtat dot përgjatë këtij sezoni. Lojtari 23-vjeçar shkoi me bujë në Stamboll, teksa ishte një nga më të spikaturit në radhët e Salcburgut si dhe kampion europe me moshat e Gjermanisë.
Por aventura e tij në Turqi me shumë mundësi do të zgjasë vetëm një sezon. Sipas mediave turke interes për shërbimet e Mërgim Berishës kanë shfaqur disa klube nga Franca, Gjermania dhe Austria. Mbetet për tu parë se çfarë zgjedhje do të bëjë futbollisti shqiptar./Halit Delibashi-Sport Ekspres/