Juventusi ka fituar 1-0 ndeshjen e vajtjes për gjysmëfinalet e Kupës së Italisë, kundër Atalantës, me një gol të shënuar nga Gonzalo Higuain që në minutën e tretë, goli më i shpejtë sezonal i skuadrës së Maks Alegrit.
Më pas, asnjë gol dhe super Bufon. Portieri bardhezi i priti një penallti Gomezit në mesin e pjesës së parë (20 penallti të pritura në karrierë), 11-metërsh i dhënë nga VAR për prekje me dorë të topit nga Benatia.
Edhe në pjesën e dytë Bufon vendosi fatet e takimit, me një super pritje ndaj Petanjës në minutat e fundit.
Më 28 shkurt ndeshja e kthimit, por është e qartë se Etrit Berisha me shokë tashmë kanë shumë pak shanse për të kapur finalen.