Mirel Josa nuk pranon, që ishte ai fajtori i rënies nga kategoria e Tiranës. Në një prononcim për “RTSH Sport”, trajneri është shprehur: “Nga Tirana duhej të largohesha që në janar, por nuk mund ta lija në baltë ekipin. Rënia e saj më ka goditur shumë nga ana morale. Shumë gjëra mund t’i kisha bërë ndryshe. Megjithatë gjithçka u prish në janar, kur mësova se merkato ishte e bllokuar nga FIFA”, ka thënë Josa.