Presidenti i Saburtalos është krenuar për rezultatet që ka arritur ekipi i tij në Europë. Gjeorgjianët ia dolën që të eliminonin Partizani nga ruleta ruse, teksa kanë fituar me shifrat 1-0 në ndeshjen e parë kundër Steuas së Bukureshtit. Tariel Khechikshvili u shpreh se Saburtalo i dominoi rivalët në të dy aspektet.
“Përveç rezultatit, ajo që ka rëndësi është cilësia e lojës. Ne i kemi mposhtur kundërshtarët në këto komponent si me Partizanin e Shqipërisë dhe me rumunët. E vetmja gjë që nuk shkoi mirë është shfrytëzimi i rasteve të krijuara. Kemi shumë lojtarë të rinjë dhe kjo është vërtet për t’u gëzuar”, u hspreh presidenti i Saburtalos. /Sport Ekspres/