Pas pandemisë gjërat janë vështirësuar në futbollin spanjoll dhe veçanërisht te Barcelona, e cila do të duhet të bëjë vitin e ardhshëm pa legjendën absolute Lionel Messi. Sipas mediave spanjolle, pagat që futbollistët e Barcelonës përfitojnë janë shumë herë më të larta se të skuadrave të tjera.
Kushti i vendosur nga La Liga është që Barcelona duhet të shesë disa lojtarë si dhe të ulë pagat e futbollistëve aktualë, në mënyrë që të regjistrojë blerjet e reja. Situata financiare nuk është aspak e mirë tek katalanasit, të cilët janë dëmtuar shumë pas pandemisë COVID-19, ku lojtarët pranuan të japin një pjesë të rrogës për shpëtimin e klubit. /Sport Ekspres/