Nëse doni të fitoni para dhe të luani në një ekip të fortë, PSG duket si një opsion ideal, parakushti i “i vetmi” është të jeni një futbollist i mirë për pozicionin tuaj. Vitet e fundit është krijuar një “ekip i ëndrrave” me një sërë yjesh botërorë që fitojnë shuma të mëdha parash. Për shembull, Kylian Mbappe fiton miliona euro neto në baza javore.
Edhe pse përshtypja është se shumë vijnë në Paris thjesht për para dhe fitime, ka edhe nga ata që nuk janë atje për para. Këtë e vërteton edhe largimi i fundit nga radhët e kampionëve francezë. Ander Herrera nuk do të luajë më për PSG-në pasi ka pranuar të ndërpresë bashkëpunimin me kërkesë të klubit parizian.
Spanjollit iu tha nga PSG se nuk ishte llogaritur në projektin e ri dhe Ander Herrera u largua pa hapur telashe për fitime të mëdha. Kështu mesfushori me eksperiencë do të rikthehet te Athletic Bilbao dhe në emër të dëmshpërblimit do të marrë më pak para seç duhej deri në skadimin e kontratës në qershor 2024.
Herrera fitonte rreth 100,000 euro në javë në Princes’ Park. Në Bilbao kjo shifër do të jetë dukshëm më e ulët, por kjo nuk do ta shqetësojë këtë futbollist. Para PSG-së, 33-vjeçari luajti për Manchester United për disa sezone, ku edhe fitoi shumë para, ndaj nuk është për t’u habitur pse ua fali francezëve një pjesë të fitimeve të planifikuara. Në çdo rast, Herrera meriton lëvdata sepse të luajë futboll është prioriteti i tij i parë, që është një fenomen gjithnjë e më i rrallë në futbollin modern. /Elio Hajdari-Sport Ekspres/