Izraeli u mund të shtunën nga Maqedonia dhe pas humbejs ndaj Shqipërisë, ishte një tjetër goditje shumë e rëndë për një skuadër që e nisi shumë mirë dhe dukej i sigurt për vendin e tretë, pas fitoreve në Maqedoni e Shqipëri.
Kundër Maqedonisë ra në sy nervozizmi i kapitenit Eran Zahavi, ylli i skuadrës izraelite, i cili është pezulluar për ndeshjen kundër Italisë, për shkak se hodhi shiritin e kapitenit.
Në fillim të pjesës së dytë Eran Zahavi humbi qetësinë, si pasojë e fishkëllimave dhe ofendimeve nga tifozët, ndaj hodhi shiritin në fushë, duke detyruar federatën izraelite ta pezullojë.
Pas ndeshjes, Zahavi tha: “Për 40 vite ne nuk i jemi afruar Kupës së Botës, ndaj më shpërtheu zemra kur dëgjova tifozët që na shanin dhe brohorisnin kundër nesh”.