Italia ka një mundësi minimale për të qenë pjesëtare e Botërorit në Katar. Edhe pse u eleminuan nga Maqedonia e Veriut në fazën e Play-Off, axurrët mund të përfitojnë nga situata jo e mirë e Iranit.
Edhe pse pak kohë më parë FIFA mohoi kategorikisht përjashtimin e Iranit, kjo temë është rihapur përsëri.
Gazetari italian, Giulio Mola deklaroi se Italia ka ende një shans, i cili do të bëhet i ditur ditën e dielë, ku FIFA do të vendosë nëse do e përjashtojë Iranin për arsyet politike, apo nuk do të përzihet në ngjarje që nuk i takojnë futbollit. /Elio Hajdari-Sport Ekspres/