Bajerni i Mynihut është skuadra me më tepër fanella të shitura për vitin 2021. Klubi bavarez ka shitur plot 3.25 milionë fanella përgjatë vitit që lamë pas, ndërsa Reali i Madridit dhe Liverpuli e ndjekin me përkatësisht 3.05 dhe 2.45 milionë shitje.
Ndërkohë në top 10-she Juventusi është i vetmi përfaqësues për futbollin italian. Bardhezinjtë gjenden në vendin e 5 me 1.42 milionë fanella të shitura. Interi dhe Milani nuk gjenden në këtë listë, ku pavarësisht ngritjes së nivelit në sezonet e fundit duket se kanë humbur shumë nga popullariteti i tyre./Halit Delibashi-Sport Ekspres/
Lista e 10 klubeve me më tepër fanella të shitura në vitin 2021:
- Bajerni i Mynihut 3.25 milionë fanella
- Reali i Madridit 3.05 milionë fanella
- Liverpuli 2.45 milionë fanella
- Mançester Junajtid 1.95 milionë fanella
- Juventusi 1.42 milionë fanella
- Barcelona 1.34 milionë fanella
- Çelsi 1.31 milionë fanella
- Borusia e Dortmundit 1.22 milionë fanella
- PSG-ja 1.18 milionë fanella
- Mançester Siti 1.09 milionë fanella