Lajme të këqija vijnë nga Italia. Pas Berat Gjimshitit, Shqipëria rrezikon të humbasë një tjetër shtyllë të mbrojtjes për përballjen kundër Polonisë. Ardian Ismajli ka pësuar një dëmtim në ndeshjen e sotme kundër Atalantës, të cilën e ka përfunduar përpara kohe.
Mbrojtësi i Empolit hyri në fushë si zëvendësues në minutën e 59, por vetëm 20 minuta më vonë u detyrua të largohen nga loja. Ismajli ndjeu një tërheqje në aduktorin e tij, çka ia bëri të pamundur vazhdimin e lojës. Mbetet për t’u parë se cila do të jetë përgjigja e testeve mjekësore, megjithëse koha për Shqipërinë nuk pret shumë./Halit Delibashi-Sport Ekspres/