Napoli mundi Juventusin në ndeshjen e shkuar, ku gjithçka u vendos nga ajo penallti e fituar nga Amir Rrahmani. Mbrojtësi shqiptar ishte një mur i vërtetë në prapavijë, duke marrë edhe vlerësimet e Xhenaro Gatuzos pas ndeshjes. Mediat italiane e kanë veçuar si një nga më të mirët kundër Juventusit, teksa performance në fushë ishte e niveleve të larta.
Ndërkohë “Tuttomercatoëeb” ka publikuar edhe formacionin më të mirë të javës në Serie A. E në mbrojtje nuk mund të mungonte emri i Amir Rrahmanit, që e gjen veten mes Mançinit, Vinjalit dhe Bastonit. Sa i përket sulmit, është treshja Lukaku, Muriel dhe Agudelo ajo që formon këtë repart./Halit Delibashi-Sport Ekspres/
