Egnatia vazhdon me goditje të veçanta në tregun e futbollit në Shqipëri. Ekipi nga Rrogozhina ka firmosur me mesfushorin nga Turqia, Melih Ibrahimoglu. Së fundmi, ky lojtar ishte pjesë e Heracles në Eredivisie, elita e Holandës. Në ndeshjen e fundit të Heracles, Ibrahimoglu u gjend në stol për ndeshjen kundër Feynord dhe tani e gjen veten në Superiore.
“Klub Futboll Egnatia ka arritur të nënshkruajë kontratë me mesfushorin turk Melih Ibrahimoglu. Në momente e prezantimit ishte edhe presidenti Agim Demrozi, i cili i ka uruar mirëseardhjen i Ibrahimoglusë, që do të jetë pjesë e klubit tonë për 2.5 vite”, shkruhet në njoftim. /Sport Ekspres/