Intervistat/ “Premio? Ishte ndeshje e vogël për ne, jemi Tirona”! Doka: Na akuzuat, u treguam se kush jemi

“Tirana do t’i lërë Bylisit Kupën dhe do ta ketë rrugën e lirë për kampionat”. Ishte kjo një ndër “marrëveshjet” që ka marrë jehonë sa i përket dy ekipeve pas takimit të zhvilluar në “Adush Muça” ku po vazhdon ende hetimi për bastet dhe shumat e vendosura. Një motivim më tepër për bardheblutë që skenari i eliminimit të mos mbërrinte në një kohë që titulli i Superiores mund të vendoset në ndeshjen e fundit ku si për ironi është pikërisht një tjetër përballje ndaj Bylisit.

Kryeqytetasit ia kanë dalë për të mbërritur në finalen e Kupën e Shqipërisë duke fituar në shifrat 2-0 për të mbyllur gjithçka që në pjesën e parë. Vetëm pesë minuta dhe talenti Ernest Muçi do të shfaqej sërish për të shënuar me mundësinë e parë që i’u dha. Ndërkohë 20 minuta më vonë do të ishte Hoxhallari që nuk e kishte të vështirë për të shtyrë topin në rrjetë pas goditjes së këndit. Një fitore që e dërgon ekipin e Egbosë në një tjetër sukses, por në të njëjtën kohë duke mbyllur disi “gojët e liga”, deri në momentin që do të kemi edhe zbardhjen e hetimit të plotë për takimin e parë. Më poshtë mund të gjeni edhe intervistat e protagonistëve për “Supersport”:

Egbo (Tirana): “I kemi mbyllur gojën të gjithëve atyre që na kanë sulmuar në ndeshjen e parë që Tiranë do t’ia lërë Bylisit Kupën, do të bëhet kështu apo do të bëhet ashtu. Sot ishim edhe freskët, kishte kushte më të mira për futbollistët që të luanin futboll. Unë e kam shpjeguar edhe ndeshjen e parë që çfarë ndodhi. Në pjesën e parë atje kemi luajtur shumë mirë, por për shkakun e vapës, lojtarëve të aktivizuar dhe ngërçet që po kapnin futbollistët nuk kemi qenë mirë në pjesën e dytë. Po mundohesha ta shpjegoja që në fillim por nuk ma merrte njeri parasysh. Thonin që Tirana do t’ia lërë finalen Bylisit. Po se për çfarë arsye, nuk e kuptoj. I kam thënë drejtuesëve që në të ardhmen duhet të vazhdojmë me këtë bazë që na ka sjellë deri këtu. Do të largohen vetëm ata lojtarë që nuk duan, baza do të jetë kjo”.

Dovedan (Bylis): “Ne kishim dy shanse për të shënuar dhe nuk ia dolëm. Tirana nuk kishte asnjë shans dhe shënoi dy gola. Kjo tregon se Bylisi nuk është një skuadër serioze pasi të pësosh ato gola, atëherë nuk mund të shkosh në finale. Do të shohim për afrime për sezonin tjetër pasi me këta lojtarë që ishin sot nuk jemi një skuadër serioze”.

Albi Doka (Tirana): “Pavarësisht se mediat na akuzuan ne kemi treguar se kjo është Tirana dhe jemi në Kupën e Shqipërisë. Tani do të fitojmë kampionatin dhe Kupën. Kisha dëshirë për të rinovuar me Tiranën dhe nuk e bëra vetëm për shkakun se dua të bëj karrierë jashtë Shqipërisë. Egbo më ka dhënë besim mua dhe të gjithë lojtarëve të tjerë. Përpara se të iki nga këtu dua t’i fitoj dua trofet. Premio nga Halili? Për këto ndeshje të vogla nuk kemi premio, vetëm për të mëdhatë. E di që ishte gjysmëfinale, por për ne ishte ndeshje e vogël se jemi Tirona. Do të më mungoj kjo stemë, do të më mungojnë ngjyrat bardheblu dhe do të kthehem prapë një ditë”

Leave a Reply

Your email address will not be published. Required fields are marked *

where can i buy doxycycline over the counter buy doxycycline online