Intervistat/ “Nuk po e kuptoj”! Dede kërkon përgjigje, Sormani: Nëse doni të bëni polemika me mua…

0

Kukësi arriti të fitojë në “finale e parakohshme” ndaj Tiranës në shifrat 1-2. Verilindorët janë ende në garën për titull, duke i hequr mundësinë bardhebluve që të festonin sot titullin. Nga ana tjetër Bylisi dhe Partizani kanë ndarë pikët e barabarta, pasi nuk shkuan më tepër sesa 1-1 në Ballsh. Më poshtë mund të gjeni edhe intervistat e protagonistëve për “Supersport”:

Egbo (Tirana): “Është hera e parë që e shoh Tiranën kështu. Nuk shpjegohet dot se çfarë tip loje kemi bërë. Ndoshta ka ndikuar edhe energjia negative e ndeshjes së fundit kundër Bylisit. Si të kthejmë entuziazmin para derbit? Po nuk kemi humbur asgjë, jemi ende në vendin e parë. Po ta shihni që kur erdha te Tirana nuk kam thënë kurrë që do të shpallemi kampion, por do të mendojmë për ndeshjen e radhës. Kështu mbahet ekuilibri dhe jemi me këmbë në tokë. I kam thënë edhe lojtarëve: “Lëreni se çfarë thonë gazetarët apo mediat, nuk jemi shpallur kampion ende”. Nuk jam unë Zoti, as ti dhe askush tjetër. Ndaj Bylisit nuk kemi bërë asgjë të keqe. E thashë edhe atëherë, që ndikoi edhe vapa, lojtarët shkuan dy herë për të pirë ujë.

Dovedan (Bylis): “Skuadra ndaloi të luante kur pësuam golin. Jam i kënaqur me rezultatin duke parë sesi shkoi ndeshja. Ishim mirë deri në momentin që Broën shënoi, pastaj kaluam në panik. Asnjë nuk është i sigurt se do të qendrojë në Superiore. Përse nuk luajti Goxha? Po e pa e gjithë Shqipëria. Unë jam trajneri dhe unë vendos se kush do ta gjuajë penalltinë”.

Shehi (Kukësi): “Kjo fitore ne na ka ngrohur, duhet që të komplimentojë djemtë. Kobina ishte lojtari më i rrezikshëm te Tirana. Skema na ka funksionuar, në varësi edhe të kundërshtarit. Kjo fitore ishte thelbësore dhe prestigji. Nuk më ka zgjatur analiza më shumë se dy minuta. I thashë djemëve: “Ju jeni lojtarët më të mirë në Shqipëri, tregojeni”. Partizani nuk ka nevojë për motivim dhe apel fare, pasi derbi të shtyn vetë që të fitosh. Ashtu siç edhe e thotë shprehja: “Më mirë të fitosh derbin sesa kampionatin”. Kjo është thirrje dhe mbështetje për Partizanin, edhe këpucët i kam pasur të kuqe sot”.

Sormani (Partizani): “Jam shumë i revoltuar edhe me lojtarët e mi. Kisha edhe keqardhje pasi mund të meritonim më shumë. Megjithatë asgjë nuk ka mbaruar dhe përsa kohë që na e lejon matematika, do ta provojmë Europën. Mëkat për Tedi Carën që kishte dy raste të mira për të mbyllur ndeshjen. Jam i kënaqur me Broën që është futur me ritmin e duhur. Le të marrim aspektet e mira për këtë ndeshje pasi kemi krijuar shumë raste. Partizani në derbi duhet të fitojë sepse i duhet, për asgjë tjetër”.

Nevil Dede: “Nuk e kuptoj diçka, thuhet që po luajmë mirë, pastaj që jam i revoltuar me lojtarët”.

Sormani (Partizani): “Nëse doni të bëni polemika, atëherë bëjeni. Por unë jam i qetë dhe kisha vetëm disa këshilla për futbollistët e mi”.

You might also like

Leave A Reply

Your email address will not be published.