Intervistat/ “Ne kishim dy piktorë në fushë”, kritika e veçantë e Ndreut: Shëtisnin fanellën, u ka ardhur fati

0

Gjatë ditës së sotme janë zhvilluar edhe përballjet e Superiores sa i përket javës së 14 të kampionatit. Tirana ka përmbysur rezultatin ndaj Kastriotit duke marrë tre pikët me shumë vlerë në përballjen ku ka debutuar edhe Taulant Seferi. Krutanët i kujtuan bardhebluve se kjo nuk do të ishte një përballje e lehtë për bardheblutë, por duhej të djersnin për të fituar. Devid shënoi golin e parë në minutën e 20 duke komplikuar gjithçka për vendasit.

Idi Batha kthehet sërish si “hero” duke marrë detyrën e sulmuesit teksa ka dërguar saktësisht topin në rrjetë pas pasimit të bukur të Toshevskit. Më pas do të ishte Ernest Muçi që pas marrjes së bukur të topit në minutën e 53 e dërgoi topin në rrjetë. Vetëm pak sekonda më pas do të debutante edhe Seferi, që i urohet mirëseardhja në një futboll fizik dhe ku shpeshherë sulmuesi ka kërkuar faull që nuk janë akorduar.

Në krahun tjetër ishte Partizani që fitoi ndaj Skënderbeut. Në tokën e ujqërve dhe të pushtuar nga dëbora, të kuqtë zgjidhën gjithçka në minutat e para teksa Bardhi dhe Solomon do të dërgonin dy herë topin në rrjetë pas kordinimit të saktë me kokë, pas vetëm 7 minutash loje. Mensah do të ngushtonte diferencat në pjesën e dytë, por do t’i shërbejë vetëm statistikave. Surpriza ka ardhur në takimin mes Apolonisë dhe Laçit teksa goli i Gjatës ka thyer ecurinë positive të kurbinasve nën drejtimin e Duros. Më poshtë gjeni edhe intervistat e protagonistëve për “Supersport”:

Ndreu (Kastrioti): “Po nëse themi të drejtën nuk e meritonim që të humbnim sot. Kishim shumë raste të pastra, por që ishin vërtet të pastra në pjesën e parë. Kjo nuk na ndodh për herë të parë me raste fantastike që kemi krijuar, pa mundur t’i shfrytëzojmë. Pastaj kishim në pjesën e parë në fushë edhe dy piktorë, se nuk i thua dot lojtarë. Të shohësh kundërshtarin që të sillte, është e tmerrshme. I kardhur fati të jenë në lojë me këto mungesa që ne kemi.  Kush ishte piktor? Piktor Henri ishte në pjesën e parë, që vetëm ëshëtiste në fushë. Mbetet pak i justifikuar për faktin se ka qenë dëmtuar, por ideja është që nuk duhet të kthehesh thjesht në pozicionin tënd dhe mbylle detyrën, por të kryesh detyrat mbrojtëse”.

Batha (Tirana): “Kjo fitore nuk ishte për Partizanin, që t’i tregonim ndonjë gjë, por ishte fitore për veten tonë. Jemi rikthyer te rezultati pozitiv dhe kjo na bënë të lumtur. Te dhoma e zhveshjes kemi biseduar me lojtarët dhe thamë që më mirë të luajmë keq dhe të fitojmë, sesa të luajmë bukur dhe të humbim pikë kundër Kastriotit”.

Duro (Kukësi): “Kjo ka qenë ndeshja më e dobët në drejtimin tim te Laçi. Nuk e prisja këtë lloj reagimi nga ekipi ynë dhe nuk jam i kënaqur në krahasim me ndeshjet e kaluara. Unë fola me asistentët për golin e anuluar që na bënë ne, që ishte shumë i rregullt, por më tha se nuk e pashë. Po se çfarë detyre kanë ata pastaj? Gjithsesi, unë nuk jam i kënaqur me ekipin. Te goli i parë i Apolonisë ishte faull, ne na anuluan një gol. Po kjo është pra që vendoset historia e ndeshjes me këto episode, se nuk ka shumë diferenca në futbollin shqiptar.

Dede (Tirana): “Ajo që më ngroh më shumë është fakti se përmbysëm rezultatin, nuk është e lehtë që ta bësh këtë në futbollin shqiptar. Nuk kam qenë në panik sot, kam qëndruar pa folur thuajse dhe vetëm duke parë mënyrën sesi po luhej. Ishim në kontroll dhe duke luajtur vetëm nga një portë. Partizani? Kur t’i vijë radha Partizanit, do të mendojmë për Partizanin. Seferi? Ka debutuar duke i ndryshuar ritmin sulmit tonë. Ka shumë potencial të madh, por le të mos harrojmë se ka gjithë presionin. Të gjithë presin shumë prej tij dhe për këtë arsye do ta aktivizojmë dalëngadalë që të përshtatet më mirë me ekipin dhe të shpreh të gjitha vlerat e tij.

Daja (Partizani): “Nuk e prisnim një terren të tillë për të luajtur, ne si trajnerë kemi dalë në plan të dytë. Ajo që mbizotëronte ishte shpirti i garës së futbollistëve. Pastaj kur kalon 0-2 në një terren të tillë, normalisht që do të mbrohesh. Sot nuk ishte merita ime, por sakrifica e të gjithë futbollistëve. Lojtarëve i thashë se nuk mund të luajmë me kombinime në dëbor, por vetëm me top të gjatë dhe që të ketë mbështetje, ndryshe nuk do të kishte vlerë. E vërtetë që përgëzova edhe lojtarët e Skënderbeut në dhomat e zhveshjes pasi kemi bërë rrugëtim së bashku dhe kisha kënaqësinë për ti takuar”.

Kamarata (Apolonia): “Ishte shumë e vështirë pasi po luanim ndaj një ekipi me shumë nivel si Laçi. Më ka pëlqyer shumë grinta e lojtarëve për të dalë te rezultati. Detyra ime është që futbollistët të rriten sa më shpejt, por shoh mënyrën e duhur sesi po stërviten. Shpërdorimet e rasteve? Po nëse jemi në vendet e fundit të renditjes, atëherë e kemi një problem. Detyra ime është që t’i përmirësoj lojtarët. Tani ekipet që do të vijnë këto do të kenë më shumë kujdes. Nëse kam ardhur këtu është fakti se kam besim te skuadra, por pak nga pak do të rregullohen të gjitha”.

Asani (Partizani): “Mund të them se kur erdha fillimisht te Partizani, e nisëm mirë dhe pastaj kalova një dëmtim që më la jashtë për disa javë. Do të vijë në formën e duhur për të ndihmuar Partizanin. Ndaj Apolonisë nuk kishim fatin, ndërsa ndaj Skënderbeut vendosëm të gjithë lojtarët që do të fitojmë me patjetër, pavarësisht nëse është ftohtë apo jo. Unë kam dy oferta nga Izraeli dhe Dubai, por unë jam i fokusuar te Partizani tani. Pastaj ajo që është shkruar do të bëhet”.

You might also like

Leave A Reply

Your email address will not be published.