Intervistat/ “Ia lamë golin në respekt të fair-play”, Daja flet për titullin: 4 ekipe në garë, Kukësi dhe Tirana hap pas

0

Java e 20 e Kategorisë Superiore është mbyllur me një sfidë si Kukësi-Partizani, e cila përfundoi me shifrat 1-2. Një duel ky që ka sjellë si kurrë më parë pamje që nuk janë parë ndonjëherë në futbollin shqiptar. Një moment fair play ka shoqëruar minutat e fundit të takimit. Pas ndeshjes, protagonistët kanë dhënë intervistat e tyre për “Gol pas Goli” në “Supersport”.

Ilir Daja(Partizani): “Nuk e merr vendimin vetëm trajneri, por të gjithë unanimisht. E morëm në mënyrë korrekte në respekt të fair play-t. Asgjë më shumë. Pavarësisht se nuk ishte gabimi i Muratajt që shkoi drejt golit, e pamë që lojtarët e Kukësit reaguan dhe i thëmë lojtarëve që në respekt të fair play-t të linim golin. Nuk janë vendime që ke shumë kohë të gjykosh gjërat me qetësi.

Ne kemi ngushtuar diferencën me Vllazninë, por vazhdojmë të jemi aty ku kemi qenë më para, në vendin e dytë. Tani që jemi me 4 pikë diferencë duhet të jemi akoma më me këmbë në tokë. Kampionati është i gjatë dhe me 4 ekipe në garë, sespe Kukësi dhe Tirana kanë hedhur një hap pas, duhet të jemi akoma më të përqendruar”./Halit Delibashi-Sport Ekspres/

You might also like

Leave A Reply

Your email address will not be published.