Intervistat/ “Hera e parë që e shoh Tiranën kështu”! Egbo flet pas humbjes: I thashë lojtarëve, lëreni se çfarë thonë gazetarët

0

Kukësi arriti të fitojë në “finale e parakohshme” ndaj Tiranës në shifrat 1-2. Verilindorët janë ende në garën për titull, duke i hequr mundësinë bardhebluve që të festonin sot titullin. Nga ana tjetër Bylisi dhe Partizani kanë ndarë pikët e barabarta, pasi nuk shkuan më tepër sesa 1-1 në Ballsh. Më poshtë mund të gjeni edhe intervistat e protagonistëve për “Supersport”:

Egbo (Tirana): “Është hera e parë që e shoh Tiranën kështu. Nuk shpjegohet dot se çfarë tip loje kemi bërë. Ndoshta ka ndikuar edhe energjia negative e ndeshjes së fundit kundër Bylisit. Si të kthejmë entuziazmin para derbit? Po nuk kemi humbur asgjë, jemi ende në vendin e parë. Po ta shihni që kur erdha te Tirana nuk kam thënë kurrë që do të shpallemi kampion, por do të mendojmë për ndeshjen e radhës. Kështu mbahet ekuilibri dhe jemi me këmbë në tokë. I kam thënë edhe lojtarëve: “Lëreni se çfarë thonë gazetarët apo mediat, nuk jemi shpallur kampion ende”. Nuk jam unë Zoti, as ti dhe askush tjetër. Ndaj Bylisit nuk kemi bërë asgjë të keqe. E thashë edhe atëherë, që ndikoi edhe vapa, lojtarët shkuan dy herë për të pirë ujë.

You might also like

Leave A Reply

Your email address will not be published.