Iniesta: E ardhmja, vendos deri në 30 prill

Një ndër fenomenët e Barcelonës, Andres Iniesta, do të marrë një vendim për të ardhmen e tij deri në fund të muajit të ardhshëm. Mesfushori u kthye nga një dëmtim dhe ndihmoi Barcelonën të mundte 3-0 Çelsin mbrëmë, me Lionel Mesin që ishte vendimtar në arritjen e kualifikimit për në çerekfinale.

Këtë sezon Iniesta ka firmosur një kontratë “të përjetshme” me Barcelonën, por e ardhmja e tij është bërë objekt spekulimesh në javët e fundit, me klubin kinez Tianxhin Kuanxhian që flitet se ka bërë një ofertë të jashtëzakonshme financiare.

Pas ndeshjes kundër Çelsit Iniesta deklaroi: “Klubi do ta marrë vesh para jush. Kam kohë deri në 30 prill për të vendosur a do të qëndroj. Duhet të mendohem mirë, për të zgjedhur cila është më e mira për mua dhe për klubin”.

Barcelona është bashkuar me Realin dhe Seviljen në çerekfinale dhe Iniesta shpreson t’i evitojë: “Dua të shmang ekipet spanjolle, sepse njihemi tepër mirë. Gjithsesi, eliminuam një ekip shumë të fortë si Çelsi dhe jemi të lumtur, ka kohë për ndeshjet çerekfinale”.

Leave a Reply

Your email address will not be published. Required fields are marked *

where can i buy doxycycline over the counter buy doxycycline online