Lojtari i përfaqësueses U21 të Kosovës, Eris Abedini, ka mbyllur bashkëpunimin me Luganon. Mesfushori shqiptar është prezantuar si lojtari më i ri i skuadrës së FC Vil, klub ky që militon prej vitesh në “Challenge League”, që është divizioni i dytë për nga rëndësia në Zvicër.
Eksperienca e Abedinit në Zvicër zgjati pak më shumë se një vit, ku mesfushori i ri u aktivizua 9 herë me skuadrën e Superligës zvicerane, ndërsa eksperienca më e fundit ishte ajo te Vinterthur, ku u huazua në muajin janar.
Kontrata e 20-vjeçarit me FC Vil është e vlefshme për dy sezone. Abedini i është bashkuar së fundmi përfaqësues së Kosovës, ku ka dy aktivizime me skuadrën U21 që drejtohet nga trajneri Rafet Prekazi.