Elseid Hysaj, mbrojtësi i Napolit dhe Shqipërisë, pas ndeshjes, u shpreh: “Starti i dobët, psikologjik apo rreshtimi? Besoj se Spanja është Spanjë, pretendentet për të fituar Botërorin. Ishin gola që nuk mund të bënim asgjë. Edhe në 10 minutat e fundit të pjesës së parë nisëm të mbajmë topin. Kemi kualitete për të bërë këtë lojë dhe e treguam në pjesën e dytë. Treguam edhe disa vlera më shumë. Vështirësi me modulin e ri, me 3? Zgjedhjet e trajnerit janë të tij, nuk mund të bëj asgjë. Sigurisht, roli im është mbrojtës i djathtë dhe e bëj më mirë. Me Italinë? Besoj se do të kthehemi me katër mbrojtës”.