Ish-mesfushori i Skënderbeut, Liridon Latifi duket se po përshtatet më së miri në aventurën e tij në Hungari. Mesfushori i kombëtares sonë ka arritur që të gjejë golin e parë me fanellën e Pushkash Akademi, në ndeshjen e kupës përballë Kaposvarit.
Skuadra e tij arriti që të triumfonte 3-1 dhe Latifi arriti që të realizonte golin e sigurisë me një ekzekutim të saktë të një goditjeje dënimi, ndihmuar edhe nga një devijim i barrikadës. 23-vjeçari po shfaq aftësitë e tij dhe në futbollin hungarez, duke qenë në pritshmëritë e drejtuesve, të cilët kanë investuar jo pak për të.