Një dëmtim horror ishte ai i mbrëmshmi për Mërgim Mavrajn, që ka humbur ndjenjat në fushë. Plot 5 minuta i është dashur stafit mjekësor për ta përmendur mbrojtësin shqiptar, por jo aq sa për ta rikthyer sërish në lojë. I përcjellë me barrela jashtë fushe, Mavraj është shoqëruar për në spital, nga ku mësohet edhe gjendja e lojtarit.
Ish-kapiteni i Kombëtares kuqezi ka pësuar dridhje të mëdha trupi të pakontrolluara, gjë që shkaktohet nga një çrregullim i sistemit nervor. Mavrajt i është dashur të qendrojë nën kujdesin e mjekëve në spitalin e Aue dhe nuk është kthyer në Furth, ndërsa ende nuk bëhet me dije se sa kohë do të duhet të qendrojë aty, duke mos e pasur të qartë periudhën e rekuperimit të plotë./Halit Delibashi-Sport Ekspres/