Tedi Cara është kthyer në njeriun gol të Partizanit në këtë sezon, megjithëse i duhet të punojë ende shumë përpara portës. Sulmuesi shqiptar ka humbur një rast të pastër shënimi në sfidën e sotme kundër Kukësit, gjë që ka tërhequr vëmendjen e Ledio Panos. Ish-futbollisti i njohur ka thënë në studion e “Gol pas golit” me raste të tilla të humbura Cara çmend si trajnerin, ashtu edhe tifozët.
“Tedi Cara realizon disa gola që nuk realizohen dot dhe humb disa raste që nuk mund të humben. Kështu çmend jo trajnerin, por edhe tifozin. (qesh) Duhet të themi se është pjesë e rëndësishme e këtij Partizani”, ka thënë Ledio Pano./Halit Delibashi-Sport Ekspres/