Skena skandaloze në një ndeshje të kampionatit të Sudanit në Afrikë, sepse tifozët e klubit më të madh të Sudanit, Al-Hilal Omdurman (26 herë kampion i vendit) shpalosën një banderolë ku shkruhej fjala Holokaust, si dhe vizatohej një portret ku pasqyrohej udhëheqësi nazist Adolf Hitler.
Tashmë FARE (Futbolli kundër racizmit në Europë), organizata që bashkëpunon me FIFA-n dhe UEFA-n për të luftuar racizmin, ka hapur një hetim për këtë çështje, që sipas Fare Netëork është “një akt i pështirë, pa precedent në Afrikën Veriore”.
Banderola mendohet se është shpalosur nga grupimi “Luanët e Bardhë”.
Fare is investigating a shocking incident at a league match in #Sudan over the weekend. Supporters of Al Hilal Omdurman displayed a banner with a portrait of Hitler and the words ‘holocaust’. A gruesome first for Sub-Saharan Africa. https://t.co/RlaWHFZgLw pic.twitter.com/62VbUM165f
— Fare (@farenet) November 27, 2017
Ndërkaq, edhe ne në Shqipëri kemi një precedent të ngjashëm, sepse në vitin 2014 tifogrupi “Tirona Fanatics” shpalosi një parullë gjigante ku mundohej të vinte në lojë rivalët historikë të Partizanit: “Për ju hapim Aushvicin”. Parullë e tmerrshme, që turpëron gjithë botën bardheblu, por në atë rast nuk u mor asnjë masë, edhe për faktin se gjithçka kaloi në heshtje dhe nuk u sinjalizua te FARE.
Në vitin 2016 ndodhi e njëjta histori në Pukë, në një ndeshje të Tërbunit. Një parullë e vogël u shfaq në shkallët e stadiumit nga tifozët e klubit pukjan, ku shkruhej “Aushvic për arbitrat”. Një tjetër ngjarje skandaloze.
