Armando Sadiku është grumbulluar sërish në Kombëtare. Sulmuesi shqiptar ndihet i lumtur pasi ka mundësinë që të vesh sërish fanellën e kuqezinjëve. Nga krahu tjetër, lojtari e ka mbyllur aventurën e tij me Cartagenan në Spanjë.
Në media u përfol edhe për afrimin e Sadikut te Partizani. Megjithatë kjo pistë nuk është diskutuar asnjëherë deri në seriozitetin maksimal për të shkuar afër zyrtarizimit. Dy super ekipet e Indisë janë në garë për të marrë sulmuesin e Shqipërisë.
Kerala Blasters dhe Mohun Bagan po rivalizojnë njëra-tjetrën për të nëshkruar me këtë futbollist. Sipas të gjitha gjasave, Sadiku do të provojë një tjetër aventurë jashtë Europë ashtu si në kohën te Bolivar, por këtë herë në Indi. /Sport Ekspres/