Lojtarët shqiptarë bëjnë gjithmonë kalkulimet e tyre dhe shpeshherë zgjedhin që të vendosin me tru, jo me zemër, sa i përket Kombëtares që do të përfaqësojnë. Një prej tyre ishte edhe Albin Gashi, i cili ka zgjedhur që të luajë për Suedinë U-17. Kjo e fundit ndodhet në të njëjtin grup me Shqipërinë U-17 për eliminatoret e Europianit.
Pas përmbysjes që kuqezinjtë i bënë në ndeshjen e parë, tashmë Suedia ndodhet në vendin e fundit të grupit dhe shihet pa asnjë shpresë për kualifikim. Së bashku me Gashin, që e nisi nga minuta e parë ndeshjen e sotme ndaj Uellsit që përfundoi 3-3, pasi ishte gjendur në stol kundër Shqipërisë. Ndërkohë nga ana tjetër, Kombëtarja jonë nëse arrin të fitojë ndaj Uellsit kalon në fazën tjetër të Europianit. /Sport Ekspres/