Kristjan Asllani ka debutuar në mbrëmjen e djeshme kundër Plzen në Champions League. Vetëm pesë minuta për mesfushorin e Shqipërisë, që trajneri Inzagi e aktivizoi kur historia e takimit ishte thuajse e mbyllur.
Më shumë sesa nga vendimi i Inzagit për t’i dhënë ato pak minuta, Asllani është befasuar në momentin kur hyri në fushë. Një prej arbitrave shkoi dhe i uroi fat në gjuhën shqipe, pasi bëhej fjalë anësorin Bekim Zogaj.
“I thash, hej shqipe të uroj të bësh një paraqitje të mirë. U kthye dhe më pyeti: Shqiptar je? Më pyeti nga cili vend jam dhe i thash se jam nga Deçani i Kosovës”, u shpreh Zogaj për “Gazeta Blic”. /Sport Ekspres/