Gazetari polak, Mateusz Borek, e quan të turpshme diskutimin se ku ka mbërritur Polonia. Sipas tij, të flasësh për rrezikun e eliminimit nga Botërori pasi Shqipëria mund të marrë vendin e dytë është absurditet pasi Polonia kaloi grupet e Botërorit të Katarit.
“Në Poloni, kemi arritur në absurditete të këtij niveli, të lutem tani o njeri, u kualifikuam nga grupet e Botërorit dhe tani po diskutojmë për një vend Europiani kundër Shqipërisë. Jo, ne do të shkojmë, jemi Polonia, kemi lojtarë në nivele të larta në Europë që kanë luajtur nga 80, 100, 140 ndeshje me Kombëtaren”, tha Borek. /Elio Hajdari-Sport Ekspres/