Mbrëmjen e sotme po zhvillohet në Londër ceremonia e ndarjes së çmimeve për më të mirët e vitit 2023 nga FIFA. Në kategorinë e trajnerit më të mirë të vitit, Josep Guardiola nuk ka konkurent. Kreu i pankinës së Manchester City-t është shpallur trajneri më i mirë i vitit.
Guardiola është votuar nga kapitenët e ekipeve kombëtare, ndër të cilët edhe Berat Gjimshiti, trajnerët, mediat dhe tifozët. Pas tij është renditur Luciano Spalletti, ndërsa podiumin e ka plotësuar Simone Inzaghi./Halit Delibashi-Sport Ekspres/