Kristjan Asllani ka shënuar sot një gol të veçantë me fanellën e Interit. Mesfushori shqiptar e ka çuar topin në rrjetë që nga ekzekutimi i goditjes së këndit në ndeshje e vlefshme për Kupën e Italisë kundër Udinezes. I pyetur nga gazetari i “Sport Mediaset”-it në lidhje më golin, Asllani pranoi se ishte me fat që topi hyri në rrjetë.
“Goli? Ishte fat, por më e rëndësishmja ishte kualifikimi. Jemi të lumtur. Por i japim vazhdueshmëri rezultateve tona. Ky është një grup fantastik. Ka një kimi të pabesueshme edhe jashtë fushës. Ne dalim së bashku. Dua të falenderoj edhe Arnautoviçin, sepse i ndihmon shumë lojtarët e rinj, edhe ata që vijnë nga Primavera. Për ne është shumë e rëndësishme të kemi lojtarë si ai në grup.”, ka deklaruar Kristjan Asllani./Sport Ekspres/