Skënderbeu ishte favorit i madh dhe ia doli të fitojë sot 2-1 ndaj një Luftëtari pa Bregun e Shkurtajn. Megjithatë, ishte një fitore shumë e vuajtur për korçarët, që në fund rrezikuan shumë. Jo se u ikën titulli nga duart, por gjithsesi lojtarët e drejtuar nga Daja e donin këtë fitore, që u duk e lehtë, edhe falë gafave re arbitrit, që i dha një penallti tepër të dyshimtë Skënderbeut dhe nuk i dha një të tillë Luftëtarit.
Skënderbeu e ka nisur shkëlqyeshëm sfidën kundër Luftëtarit, sepse në minutën e 32-të Xhejms Adeniji ka shënuar një gol të bukur. Një kros në zonë për sulmuesin, i cili me zgjuarsi shmangu Jakovljeviçin dhe gjuajti lehtë, por shumë saktë, duke shënuar golin e parë të ndeshjes dhe golin e tretë personal në 3 ndeshjet e fundit.
Në minutën e 44-t vjen episodi që tërbon Luftëtarin: Soue futet në zonë, zgjat topin dhe përballë portierit Athanasopulos rrëzohet. Portieri grek del me vrup, por ndalet në momentin e fundit dhe Soue duket se e fiton me zgjuarsi 11-metërshin, duke qenë se topi ishte shumë larg. protesta pa fund, por pa vlerë. Sabien Lilaj me qetësi dhe 2-0.
Minuta 48, sërish protesta nga Luftëtari, me të drejtë. Një kros në zonë, aty Gledi Mici ndal topin me dorë, por anësori Ilir Tartari nuk sinjalizon 11-metërsh, ndonëse në pozicion perfekt. Protesta të kota të Luftëtarit, nuk ka penallti, por pamjet filmike nxjerrin blof anësorin.
Minuta 71 sjell golin që rihap ndeshjen: kros nga mesfusha e Luftëtarit, portieri i sapofutue Teqja nuk del si duhet dhe Lejdi Liçaj me kokë shënon, duke rihapur gjithçka! Deri në fund presion i Luftëtarit dhe 5 minuta para fundit Teuta u bë hero, duke evituar barazimin e miqve.
Kategoria Superiore – Java 26
E shtunë, 18 mars 2018, ora 17:00
Skënderbeu – Luftëtari 2-1
Shënues: Xhejms Adeniji 32′, Lilaj 45′ pen. / Liçaj 71′
Skënderbeu: Shehi (Teqja 63′), Vangjeli, Radas, Aliti, Mici, Lilaj, Osmani (Nimaga 58′), Muzaka, Gavazaj, Xhejms Adeniji, Soue. Trajner: Ilir Daja
Luftëtari: Athanasopulos, Rapa, Jakovljeviç, Beqiri, Jackson, Ramadani, Aleksi, Rapo (Minga 56′), Rroca, Liçaj (Lamçja 81′), Abazaj. Trajner: Hasan Lika
Kartonë të verdhë: Radas 38′, Aliti 57′ / Aleksi 38′, Abazaj 45′
Gjyqtarë: Emirion Sino, Ilir Tartari, Orgest Grabova, Eraldo Demiraj
MOS I AKUZONI KOT ARBITRAAAAATTTT…………ATA SOT BENE NJE NDESHJE TE SHKELQYER . NUK E DI NE JANE GJYQTARE TE FIFES APO JO POR KAM BINDJEN QE KJO TRESHE DUHET TE GJYKOJE VETEM FINALE TE CAMPIONS LIGES …. EUROPA LIGES …….. KAMPIONATIT EUROPIAN ……APO ATIJ BOTEROR….. . RROFTE FSHF …. RROFTE DUKA…… RROFTE PUKA …… E KESHTU ME RADHE.