Kukësi e ka nisur me synime të mëdha pjesën e dytë të sezonit dhe pas fitores në miqësoren e djeshme kundër Kajserisporit, janë konkretizuar edhe dy afrime në merkato.
Kështu, Kukësi ka mbyllur marrëveshjen me mesfushorin gjeorgjian Irakli Dzaria, i cili ka qenë pjesë e kombëtares gjeorgjiane. 29-vjeçari është bashkuar me skuadrën ditën e sotme në Antalia dhe është prezantuar zyrtarisht. Në sezonin e fundit Dzaria ishte titullar fiks te Dila Gori dhe u përfshi në formacionin më të mirë të vitit në kampionatin gjeorgjian. Tashmë gjeorgjiani, mesfushor qendror, del për herë të parë jashtë vendit dhe është një goditje e firmosur nga Nderim Nexhipi, i cili e ka kërkuar me ngulm, duke marrë edhe mendimin e shokut të skuadrës së Dzarias, Giorgi Pophadze, i cili ka luajtur me Nexhipin në Vlorë para pak vitesh.
Ndërkaq, nesër zbarkon në Antalia mbrojtësi kroat Filip Zhderiç, i cili ka gjetur marrëveshjen me Kukësin. Ish-mbrojtësi i djathtë i Gaz Metanit ka lindur në Gjermani, por ka shëtitur Europën dhe e njeh mirë edhe trajneri Pakult, i cili është i bindur për cilësitë e tij. Zhderiç do të pasojë te Kukësi ish-kapitenin Rraman Hallaçi.
Pse qenkën “big”? Këta janë lojtarë të lodhur që kanë luajt në kampionate të lodhura!
Kane CV te pasur dhe do marrin paga te larta. Big jane per kampionatin tone, nuk jemi Premier Liga