Interi do të luajë kundër Veronës në këtë javë të Serisë A. Ekipi i Inzagit mbetet me mendjen te gjysmëfinalja e Champions League kundër Milanit që do të zhvillohet në mesjavën e ardhshme. Për këtë arsye zikaltërit do të kenë rotacion ndaj Veronës.
Shumë ndryshime pritet të ketë në formacion, duke krijuar hapësira për Kristjan Asllanin. Mesfushori shqiptar do të jetë nga minuta e parë në ditën e sotme kundër Veronës sipas raportimeve që vijnë nga mediat italiane. /Elio Hajdari-Sport Ekspres/