Dy gola të shpejtë dhe më pas… ekuilibër total, thuajse mërzi, për t’u rindezur më pas në kohën shtesë, kur Kasper Shmajkëll priti penalltinë e Luka Modriçit, teksa kulmi arriti në llotarinë e 11-të metërshave… Danimarkë-Kroaci na dhuroi emocione në fillim dhe në fund, teksa në mes u kënaqëm me vetëm lojë apatike dhe kaq…
Golit të Jorgensenit që pas vetëm 1 minute lojë iu përgjigj Mario Manxhukiç pas vetëm 3 minutash. Më pas, raste për kroatët, që megjithatë nuk arritën të finalizonin.
Në pjesën e dytë asgjë nuk ndodhi, deri në kohën shtesë. Dy pjesë gjithashtu pa emocione, teksa skuadrat mendonin për penalltitë. Më pas, 11-të metërshi i dhënë për pengim ndaj Rebiçit në zoneë, por neutralizimi i Shmajkëllit. Te llotaria, më pas, dy portierët protagonistë, me danezin që priti dy dhe kroatin që priti tre.
Kroacia kalon më tej, duke barazuar arritjen e vitit 1998, ndërsa Danimarka kthehet në shtëpi.