FSHF Sunday League 9×9 ka dhuruar spektakël edhe në javën e 14-të. Në grupin A, ATS regjistroi fitoren e radhës pasi mundi skuadrën e Barrikadës me rezultatin 3-0.
Ndjekësit më të afërt të ATS, skuadra Dymëdhjeta triumfoi ndaj Panthers Shkodër 5-2. ATS kryeson renditjen me 35 pikën, ndërsa Dymbëdhjeta ndodhet në vendin e dytë me 32 pikë.
Në ndeshjet e tjera të grupit A, skuadrat e Vila-L, PRIMO MFC, IMMI dhe Vatër fituan në sfidat e tyre. U regjistrua vetëm një barazim në takimin MD-Raiffeisen Bank që përfundoi 1-1, ndërsa skuadra e FB Passion e mori fitoren në tavolinë 3-0 ndaj Hidro Alfa.
Në grupin B, Dajti mori kryesimin pas hapit fals të Kastriotëve që u mundën 2-1 nga Gaia Triumph. Në anën tjetër, Dajti triumfoi 3-0 ndaj Futura Dent dhe tani kryeson me 33 pikë. Ndërsa Kastriotët ndodhen në vendin e dytë me 31 pikë.
Në ndeshjet e tjera të grupit B skuadrat e Friends Team, FC Confucius, Albamer dhe Parku fituan në sfidat e tyre. U regjistrua vetëm një barazim pa gola në takimin Al Ar-Ja Ar Plast, ndërsa FC Musa e mori fitoren në tavolinë 3-0 ndaj Roamel.
Më poshtë edhe rezultatet e javës së 14-të të kampionatit të futbollit amator 9×9:
GRUPI A
VILA-L-FC Illyrian Eagles 5-1
MD-Raiffeisen Bank 1-1
Hidro Alfa-FB Passion 0-3
PRIMO MFC-Elso 6-1
Panthers Shkodër-Dymbëdhjeta 2-5
IMMI-Legjendat 9×9 7-0
Barrikada-ATS 0-3
Vatër-FC Luminesen 3-2
GRUPI B
Roamel-FC Musa 0-3
Friends Team-Jata Market 3-2
Al Ar-Ja Ar Plast 0-0
Antigonean-FC Confucius 2-3
Kastriotët-Gaia Triumph 1-2
Futura Dent-FC Dajti 0-3
Coca Cola Tepelena-Albamer 1-5
FC Parku-Big-Bite 1-0