Mesut Ozil e ka mbyllur me përfaqësuesen e Gjermanisë. Lojtari me origjinë turke u akuzua pas Kupës së Botës se ishte një nga përgjegjësit kryesor për dështimin e skuadrës, që nuk kaloi as fazën e grupeve.
Vetë lojtari u tërhoq duke akuzuar për racizëm, çka ka trazuar shumë reagime si në botën e sportit dhe jo vetëm. Ka qenë drejtori sportiv i Eintrakt Frankfurtit, Fredi Bobiç, i cili ka sulmuar mesfushorin e Arsenalit, duke e konsideruar këtë të fundit një frikacak.
Bobiç deklaron se pas fjalëve të Ozil për racizëm dhe mosrespektim ai kupton diçka tjetër: “Ozil është një frikacak. Unë i kuptoj fjalët e tij ndryshe. Ai mund të thuhet se ndihet gjerman kur fiton dhe emigrant kur humbet”.