Është koha e pushimeve dhe futbollistët e famshëm mbushin bateritë e tyre në destinacione ekzotike. Edhe pse mund të kenë gjithçka që duan dhe të përballojnë pushimet verore në çdo vend të planetit, disa futbollistë kanë vendosur të tregohen modestë. Pikërisht për këtë mund të konsiderohet goditëse foto e postuar nga mesfushori i Villarrealit, Manu Trigueros.
Ky i fundit ka publikuar një foto ku shihet duke shijuar shoqërinë e fëmijëve dhe pjesës tjetër të familjes në një plazh të aksesueshëm për të gjithë. Shumë e thjeshtë. Ka nga ata që zgjedhin destinacione luksoze si Ibiza, Maldivet dhe më pas është Trigueros. Ky 30-vjeçar e ka luajtur të gjithë karrierën e tij në Villarreal dhe në një farë mënyre është simbol i këtij klubi. Vlera e tij llogaritet në 30 milionë euro. /Sport Ekspres/