Karriera e Armando Sadikut ka marrë një rrjedhë të papritur së fundmi. Aventura me Erzurumsporin rezultoi për t’u harruar për sulmuesin shqiptar, i cili nuk arriti dot të linte gjurmë në fushën e lojës. Në këto kushte largimi duket zgjidhja e vetme.
Por kur të gjithë prisnin një kampionat cilësor në Europë si të ardhmen e Sadikut, lojtari i surprizon të gjithë me emrine skuadrës së re. Bëhet fjalë për skuadrën amerikano jugore Bolivar.
Futbollisti elbasanas ka bërë valixhet gati dhe këtë e konfirmojnë edhe familjarët e tij. Nëpërmjet rrjetit social “Instagram”, familjarët e Armando Sadikut i urojnë këtij të fundit fat në hapin e radhës në karrierë, ndërsa ka shpërndarë një foto me valixhet të bëra gati për udhëtim./Halit Delibashi-Sport Ekspres/
