Një duel që aq shumë u kishte munguar tifozëve, Mesi-Ronaldo zbresin sërish në fushë kundër njëri-tjetrit dhe janë gati të pushtojnë sërish botën e futbollit. Këtë herë ylli portugez kthehet në “Kamp Nou” me fanellën e Juventusit veshur dhe jo atë të Realit të Madridit. Megjithatë, pavarësisht ekipit që përfaqësojnë, sfida mes tyre mbetet gjithnjë shumë emocionuese për t’u parë.
Bardhezinjtë do të përballen me Barcelonën në një takim ku luhet vendi i parë në Champions League, por për të arritur në krye “zonja e vjetër” duhet të fitojë me të paktën 3 gola. Pirlo dhe Koeman kanë bërë zgjedhjet e tyre dhe kanë vendosur për lojtarët që do të zbresin në fushë./Halit Delibashi-Sport Ekspres/
