Rangersi e ka siguruar kualifikimin për në fazën tjetër të Europa Ligës, por skocezët gjithashtu mund të zënë vendin e parë duke i dhuruar 9 milionë euro presidencës. Edhe pse klubi e ka vendosur si kusht konsolidimin e vendit të parë në grup, duket se Steven Gerrard është mjaft i lumtur me kualifikimin dhe nuk i interesojnë shumë paratë.
“Kemi ardhur këtu për të luajtur futboll dhe për tu fokusuar vetëm në futboll. Për sa i përket anës financiare është dikush tjetër që duhet të mendohet. Nuk mendoj se është në të mirën time apo të lojtarëve që të fokusohemi në anën financiare”- u shpreh ish legjenda e Liverpulit. Të shohim se si do reagojë skuadr,a pasi drejtuesit ia kanë bërë të qartë trajnerit se kanë nevojë për 9 milionët e eurove, për të përballuar dëmet e mëdha financiare si pasojë e COVID-19./Elio Hajdari-Sport Ekspres/