Flamurtari po punon në merkato për të krijuar një grup cilësor që do të ketë si objektiv ngjitjen në “Abissnet Superiore”. Kuqezinjtë kanë zyrtarizuar ditën e sotme 3 afrimet më të reja në skuadër. Lojtari i parë që mbërriti në Vlorë ishte Aleksa Mrdja, një sulmes qendre me të shkuar në kampionatin malazez dhe atë serb.
Ndërkohë përforcimet e tjera janë kryer në repartin e prapavijës. Flamurtari ka bërë merkato brenda Kategorisë së Parë, duke firmosur me Fabio Hasën, i cili sezonin e shkuar ishte pjesë e Burrelit. Gjithashtu, vlonjatët kanë veshur kuqezi edhe Eni Imamin. Ky i fundit ka një përvojë mjaft të pasur në Shqipëri, ku ka mbajtur veshur fanella të rënda si ajo e Tiranës, Vllaznisë dhe së fundmi të Dinamos./Halit Delibashi-Sport Ekspres/