Tre pikë të arta dhe tanimë Partizani kryesues është vetëm shtatë pikë larg. Te Kukësi duan titullin dhe fitorja me Kamzën ishte shumë e rëndësishme, pasi dy ekipet kryesuese ishin ndalur. Por situata nuk ishte shumë e mirë në kampin verilindorë.
Plot pesë mungesa dhe për trajneri Armando Cungu në stol ishin vetëm Maloku, Limaj, Kalaja dhe Shpehar. Gjithsesi Kukësi mori pikët e plota, pasi Frashëri dhe Teqja shënuan në portën e tyre. Pavarësisht kësaj, presidenti Safet Gjici ka vendosur t’i shpërblejë futbollistët.
Sikurse mëson “SportEkspres.com”, triumfi është shoqëruar me premio. Shifra nuk bëhet e ditur, por lojtarët janë të kënaqur. Ndeshja e radhës luhet sërish në transfertë, këtë herë me Luftëtarin në Gjirokastër. Me shumë mundësi, në rast fitoreje do të ketë sërish premio.