Vedat Muriqi është dëshira e Lacios për sulmin. Sulmuesi i plotëson të gjitha kriteret për qenë pjesë e bardhekaltërve, që sezonin e ardhshëm do të luajnë edhe në Ligën e Kampionëve. Megjithatë shtatlarti dardan nuk po rezulton një objektiv i lehtë për Igli Taren.
Fenerbahçe ka rritur çmimin dhe tashmë kërkon 20 milionë euro për shërbimet e Muriqit. Sipas “Corriere dello Sport” kjo ka bërë që Lotito të acarohet dhe të shohi si shkaktare Fiorentinën. Violët kanë hyrë në garë për sulmuesin shqiptar dhe presidenti i Lacios beson se diçka e tillë ka nxitur Fenerbahçen të ngrejë çmimin.
Këshu, Klaudio Lotito ka vendosur të telefonojë Xho Baronen, i cili ka rolin e drejtorit sportiv te klubi i Firoentinës. Gjatë thirrjes telefonike, kreu i bardhekaltërve i ka kërkuar Barones të heqin dorë dhe të dalin nga loja për Vedat Muriqin./Halit Delibashi-Sport Ekspres/