Juventusi nuk vonoi gjatë për të gjetur pasardhësin e Sarrit në krye të pankinës. Zgjidhja erdhi nga brenda familjes, duke ia besuar postin një emri të madh të futbollit, Andrea Pirlo. Një detyrë me përgjegjësi të madhe në një klub të madh kjo për ish-mesfushorin italian, i cili çuditërisht nis punën pa marrë ende diplomën.
Dita e parë e shkollës ka edhe një student me emrin Adrea Pirlo. Kreu i pankinës së bardhezinjve ka dhënë me sukses ditën e sotme provimin e licensës UEFA Pro në ambientet e “Coverciano“. “Il Maestro“ ka arritur ta kalojë testimin ndërsa të mërkurën do të njihet edhe me pikët e marra. Me licensën UEFA Pro tashmë Pirlo mund ta quhet zyrtarisht trajner i Juventusit./Halit Delibashi-Sport Ekspres/