FIFA ka hartuar një plan për të krijuar një eksperiencë të re dhe unike për tifozët. Sportdashësit që dëshirojnë të ndjekin Kombëtaren e tyre në Katar në muajin dhjetor, apo që thjesht dëshirojnë të përjetojnë një eksperiencë të re, do të kenë mundësinë të qendrojnë në një kamp, ku do të jepet ndjesia e një lagjeje të përbashkët në të cilën do të transmetohen edhe ndeshjet e Botërorit të ardhshëm.
Por ky projekt “do të shkundë“ nga xhepat pjesëmarrësit, teksa qendrimi për një natë në tendë kushton 350 paundë. Ky “fshat” i dedikuar futbollit do të organizohet në Al Khor dhe dhe do të ketë të gjitha kushtet e nevojshme për tifozët./Halit Delibashi-Sport Ekspres/