Idriz Batha shënoi me penallti kundër Teutës, ish-skuadrës së tij, por Flamurtari mori vetëm një pikë më durrsakët. Ditët e fundit kanë qenë të trazuara për vlonjatët dhe futbollistët nëpër rrjete sociale nuk kanë ngurruar të bëjnë edhe shaka të shumta.
“Loja” vijon ende, teksa Batha ka ngacmuar këtë herë ish-kapitenin Tomislav Bushiç. Ky i fundit la Flamurtarin për Teutën dhe në pjesën e dytë u aktivizua kundër ish-skuadrës së tij.
“O Bushiç, jo provokim brate (vëlla). Ti eja festo me ne, se këtu e ke zemrën”, shkruan Batha në llogarinë e tij në “Instagram”.
