Kikboksieri shqiptar Jani Fejzullai arriti të bënte të tijin titullin kampion bote te konfederatës “WKU” për peshën deri në 85 kilogram pas fitores me vendim unanim në një event të organizuar në Zvicër, ku u vu përballë shqiptarit Urim Saiti.
Fejzullai jeton prej 20 vitesh në Greqi, vend ku hodhi hapat e parë në Kikboks dhe ku ka fituar disa turne kombëtare, por edhe më gjerë në arenën evropiane.
Falë kësaj fitoreje vëmendja e Fejzullait shkon drejt Londrës, ku pas disa muajsh pritet të ngjitet në ring në një event krejtësisht profesionist.