Milani fitoi ndaj Romës me rezultatin 1-2 duke mbajtur kështu të hapur luftën për titullin kampion. Autorët e golave ishin Kesie nga pika e bardhë e penalltisë dhe Rebiç, ndërsa për verdhekuqtë realizoi Veretout. Edhe pse tashmë e kanë humbur vendin e parë në renditjen e përgjithshme, kuqezinjtë vazhdojnë të jenë të parët në një kategori të veçantë.
Me traversën e Kjaer ditën e djeshme, Milani është skuadra e vetme që ka goditur shtyllën 16 herë në Seria A. Ky është një rekord fatkeq që i ka kushtuar jo pak vendin e parë në klasifikim kuqezinjve. /Elio Hajdari-Sport Ekspres/