Humbja shtëpiake me rezultatin e thellë 1-4 kundër Kristal Palasit ka lënë pasoja tek ekipi i Leister Sitit. Kjo ishte humbja e pestë në gjashtë ndeshjet e fundit në kampionat për “dhelprat” dhe drejtuesit e klubit kanë vendosur të shkarkojnë trajnerin.
Klod Puel nuk do të jetë më trajneri i Leister Sitit. Disfata e fundit ishte fatale për trajnerin francez, i cili kishte nisur këtë aventurë në tetor të vitit 2017.
Gjatë kësaj periudhe ai zhvilloi 56 ndeshje në Premier Ligë si trajner i ekipit që mahniti botën me titullin e fituar në vitin 2016. Puel fitoi 33% të ndeshjeve, duke numëruar: 19 fitore, 13 barazime dhe 24 humbje.
Pavarësisht formës së dobët Leisteri renditet në vendin e 12-të në kampionat me 32 pikë të grumbulluara. Drejtuesit e klubit pritet të zgjedhin trajnerin e ri, i cili do të debutojë të martën kundër Brajtonit në shtëpi.
Claude Puel has reportedly been sacked as manager of Leicester City.
The Frenchman was in charge of the Foxes for 56 Premier League games, winning just 33.9 per cent (W19, D13, L24).
Full story to follow… pic.twitter.com/hGbBqIca6l
— WhoScored.com (@WhoScored) February 24, 2019