Shqipëria futi sërish në garë Poloninë për një vend në Euro 2024. Fitorja e kuqezinjve ndaj Çekisë bëri që polakët të renditen në vendin e dytë dhe të kenë në duart e tyre kualifikimin. Ujçeh Shezni e ka quajtur një mrekulli këtë fakt në intervistën e dhënë për “Polsat Sport Premium 1” pas fitores kundër Ishujve Faroe.
“Falë Zotit dikush është duke na parë nga sipër dhe situata është përsëri në duart tona. Na duhet të fitojmë dy ndeshjet dhe shkojmë në Europian. Pas asaj që bëmë në këto kualifikuese, është një mrekulli. Shpresoj se do të jemi të aftë të dalim të padëmtuar nga kjo situatë e pashpresë në të cilën ndodhemi”, ka thënë Ujçeh Shezni./Halit Delibashi-Sport Ekspres/